الحلم

بدي قلك كلمة أنت روحي وطموحي ونور القلب بليالي البعد وجروحي يا زهرة عمري، يا نبضي وروحي حبك بقلبي ساكن ومهما صار ما بروحي يا وردة الحقل بريحة عطرك فايحة يا شمس الدفا بعيوني دايم لايحة صوتك نغمة عود، وبسمتك رايحة تسرق من العمر لحظة وتخلّي الروح سايحة يا شوق الأيام بليالي البرد الدّافية يا نبض الحنين بدقات قلبي الخافية صوتك بيسحرني، وحضورك آية بتكتب بقلبي شعر بحروف صافية عيونك سحر، وسحرهن ما بينوصف فيهن بيلمع ضوّ القمر والشمس تنكشف نظرة منك بتروي القلب العطشان وبتكفّ وبضحكتك الدنيا بتغني، والحزن بينصرف إيديك دفى، ولمستك حياة ضحكتك صبح، وصوتك نجوى يا…

  مشتاقلك قد الغيم لمطراتو، قد الليل لنجومو وحكاياتو، قد البحر لصوت الموج، وقد العاشق لضمة غراماتو... إنتِ الهوى اللي بيدخل بصدري، إنتِ الدم اللي بدقّ بقلبي، إنتِ اللي بروحك بس أعيش، وإنتِ اللي بعيونِك مرسى دربي... وينِك؟ الشوق قاتلني، حارقني، كلّ ما تغيب الدنيي تخنقني، قلبي ما عاد يتحمّل لحظة، نَفَسي صار يناديك بحرقِة... إنتِ حلمي وسهري ووجعي، إنتِ الضحكة ودمعة وجيعي، إنتِ اللي ما بتتعوّض، وما بتنتسى... لو شو ما صار بوضعي! ردّي... دخيل عيونِك ردّي، طمنيني، ضمّيني، خليني، إنتِ الروح، وبلاكي ما بضلّ، إنتِ الحُبّ... وبحبّك هدّيني... بقلم حيدر الحسيني